NIULI og duha ka gold medal sila Christine Cabrejas ug Michi Jan Abao human midaog sa Japan Karate Association (JKA) Open Invitational Tournament niadtong Mayo 20 sa New Cebu Coliseum.
Gidominar ni Cabrejas, usa ka first dan black belter ug incoming grade 12, ang 16-17 yrs old girls kumite aron moangkon og gold, samtang nilangkat sab og gold si Abao pagdaug niya sa 12-13 yrs old kumite.
Nakaangkon sab si Cabrejas og silver sa team kata ug bronze sa individual kata, samtang nakakuha sab og silver si Abao sa team kata.
Nakakuha og usa ka silver si Klara Claire Abao, igsuon ni Michi Jan, sa team kata ug duha ka bronze sa 12-13 years old individual kata ug kumite.
Nilangkat og silver si Mark Rhys Cabaraban sa 14-15 boys kumite ug usa ka bronze sa individual kata.
“They all fight a good fight and all perform their best during the tournament,” ingon ni Jessica Hojas Esparrago, usa sa mga kadagkoan sa JKA Cagayan de Oro chapter ug usa sab ka PE instructor sa Xavier University.