MAKAPAHIMSOG nga pagkaon sama sa utan bisaya, isda, ug paglikay sa mga pagkaon nga adunay bitsen mao ang pipila ka mga sekreto sa usa ka centenarian nga lola sa Barangay Looc, dakbayan sa Lapu-Lapu nga niabot og edad nga 100 anyos.
Kagahapon, si Lola Esther Y. Roldan nisaulog sa iyang ika-100 ka kasumaran sa adlawng natawhan.
Siya nadakawat og P100,000 gikan sa kagamhanan sa dakbayan nga personal nga gitunol ni Mayor Paz Radaza, pasdo alas 11:00 sa udto kagahapon.
Siya na ang ika-19 nga centenarian nga nakawat og pahalipay gikan sa kagamhanan sa dakbayan sa Lapu-Lapu.
Matod sa anak ni Lola Esther nga si Dr. Ruby Tapang nga di hingaon og processed foods iyang inahan.
Dugang ni Tapang nga sa inadlaw niadtong gagmay pa sila, kanunay kining magluto og isda ug utan bisaya nga maoy ilang gituohan nga rason nga nakaabot kini ngadto sa 100 anyos.
Sa dihang nag-edad na og kapin 90 anyos si Lola Esther, nagsugod na kini og kaon og karneng baboy.
Nagsugod pagka bed-ridden si Lola Esther sa dihang nag-edad na siya og 93 anyos.
Siya adunay walo ka mga anak ug 14 ka mga apo. Gawas sa salapi, ihatagan sab siya ug mga pagkaon sama sa cake gikan sa kakbayan.