PANAHON sa ting-ulan mag- sugod na sunod semana ug mga pag-ulan masinati karong weekend.
“Technically speaking, the onset of rainy season is about to be declared by PAGASA probably next week,” matod ni weather specialist Adonis Manzan dayung dungang nga maulanon na sab sunod semana.
“Definitely itong week nato will be rainy, starting this weekend. So, constant yan pag marami na siyang thunderstorm especially in the afternoon hanggang medyo pagabi na, that indicates na we are shifting from the hot-dry season towards the rainy season.” dugang niya.
Hinayhinay nga masinati karong weekend sa tibuok Pilipinas ang mga pag-ulan gumikan kay hapit na mahuman ang panahon sa ting-init nga subling pulihan na sab sa panahon sa ting-ulan.
Base sa obserbasyon nga gi himo sa buhatan sa weatherPhilippines, mitunga na ang mga sinyales nga gipangita nila aron sila makaingun nga nag singabot na ang panahon sa ting-ulan sa Pilipinas.
Ang mga sensyalis nanglangkub sa mga pag-ulan nga nasinati niadtong tunga-tunga og sa katapusang semana sa bulan sa Mayo.
Laing sensyalis sab mao ang pagsulod sa duha ka low Preasure Area (LPA) sa Philippine Area of Responsibility (PAR) kagahapon.
Ang duha ka LPA naa nahimutang karun sa 335km West SouthWest sa Puerto Princesa City, Palawan (9.0N, 115.8E) ug sa 900km East Southeast sa Hinatuan, Surigao del Sur (5.7N, 134.0 E).
Apan giklaro sab niya nga ang Philippine Atmospheric, Geophysical and Astronomical Services Administration (PAGASA) ra ang pormal nga mo anunsyo sa maong pag usab sa panahon.
Mipasidaan sab si Manzan sa katawhan nga mag binantayon na sa panahon sa ting-ulan ilabi na sa mga nagpuyo sa daplin sa dagat ug sa mga landslide prone area.
“Yung mga nasa low lying areas especially diri sa Cebu, medyo mag bantay na especially sa mga landslide prone area or medyo flooded,”
Mipahimangno siya sa mga mananagat nga mag monitor sa dagan sa panahon usa mangisda. (Clark Jude Suhot ug CNU Comm Interns)