SUPERBALITA CAGAYAN DE ORO

UGA-Iligan pabiling walay tatsa

SOLONG nag-una ang Ultimate Green Archers-Iligan (UGA-Iligan) sa elimination round atol sa Cagayan de Oro Ultimate Players Association (COUPA) sunset session volume 2 kagahapon didto sa Jesper Beach resort, Barangay Bonbon.

Pabiling walay tatsa ang UGA nga adunay 8-0 win-loss card human gipilde nila ang hingpit nga nagsunod nga ang Ateneo Blue Ultimate (ABU), 9-6.

Gawas niana, uban nga gipilde sa Green Archers mao ang Brad, Yakult, Mansanitas, Gecko, Flash, Team Groot ug Fake Taxi.

Segurado na nga maangkon sa UGA ang unang pwesto sa elimination round ug ang number one seed sa quarterfinal bisan pa og mapilde sila sa ilang nabiling duha ka dula kontra sa Hype ug GG.

Gikomposar sa ang UGA nila Jigze Rafisura, Reyz Fausto, Dale Badelles, Christi Ioannes Hinagay, Tan Ermac, Alsosef Revello, Xerxes Quijano, Kurt Insigne, Erwin Nadorra, Jok Pacana, Stacey Amora, Elka Corporal ug Wami de Leon.

Naa pa lang gihapon ang Ateneo Blue, ang kinakusgan nga pambato sa Cagayan de Oro, sa ikaduhang pwesto nga anaay 6-2 card.

Nag gumikan ang ilang unang kapildehan gikan sa kamot sa Brad, 7-8, bago pa nahatdan sila sa ilang ikaduha kontra sa UGA.

Segurado na nga sulod ang ABU sa quarterfinal apil sab ang Brad ug Gecko nga nagbugkos sa ika-tulo ug ika-upat nga dapit nga parehas adunay 6-3 record mtag usa.

Nagsunod ang Gecko, usa pa ka team gikan Iligan, nga anaay 5-2 slate.

Padayon pa pagkompleto sa final top-8 sa elimination round sa ning pagsulat kagahapon.

Ang COUPA sunset session usa ka beach Frisbee tournament ug nagka-uso kini ning panahona dinhi sa Northern Mindanao.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph