National ID system dili supakon sa simbahan

DILI supak ang simbahang katoliko sa Philippine Identification System Act nga gisugyot diin usa na lamang ka lakang mahimo nang hingpit nga balaodnon.

Walay nakita si Monsignor Rey Monsanto kinsa consultor sa Archdiocese sa Cagayan de Oro ug parish priest sa San Isidro Labrador sa kauswagan nga sayop kini aron ang katawhan sa nasod dili na maghupot og labihan kadaghan nga identification card (ID) sa gobyerno.

"Ang akoa lang walay problema niini apan mosupak ako kon adunay mayatakan nga mga katungod o privacy. Maayo man kini kay usa ra ug dunay practicality," matud ni Monsignor Monsanto.

Daw unta dili na ilakip ang labihan ka mga personal ug pribado na kaayo nga mga account sa usa ka tao sama sa mga bank accounts ug uban pa sa pangayoun niini ug gilaumang magsilbi sab nga passport sa katawhan ilabina niadtong visa-free nga mga nasod.

Niadto lamang Martes, Mayo 28, sa wala pa nagtapos ang Kongreso, gi-adopt sa Senado ang bicameral conference committee report sa Philippine Identification System Act.

Kon ma-ratify kini sa senado ug kongreso, ang maong sugyot ipaabot sa Malacañang alang sa pirma ni President Rodrigo Duterte.

Walay nisupak niini nga senado gawas lamang ni Senator Risa Hontiveros.

Si Senator Panfilo Lacson maoy nangulo sa pagpapasar niini ug kanunay nga gapasabot nga usahon ang identipikasyon tungod sa kadaghang ID sa gobyerno.

“Several government-issued ID numbers are also in use, resulting in duplication of efforts, wastage of resources, and uncoordinated identity approaches. In fact, a perusal of the list of valid IDs in the Philippines enumerates 33 – I repeat, 33 – different forms of identification issued by various government agencies,” pasabot ni Lacson dihang gihatagan sa kahigayon pagpasabot sa maong balaodnon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph