LIBOAN ka mga deboto ang ningtambong sa “Hubo” mass ritual nga nagtapos sa kapistahan ni Señor Sto. Niño ug simbolo sa pagbukas sa Lenten season.

Mga deboto nga nanagpanon sa Pilgrim Center sa Basilica del Sto. Niño aron pagsaksi sa tradisyunal nga pag-ilis sa sapot sa imahen giawhag sa pagtugyan sa kaugalingon ngadto sa Balaang Bata.

Click here for stories and updates on the Sinulog 2010 Festival.

Si Fr. Raymundo Alcayaga, kinsa nisaulog sa misa, niingon nga “God emptied himself for us. Gihubo niya ang iyang pagkabalaan para kanatong tanan. Ato sab pamalandungan kon andam ba ta mohubo, dili sa atong bisti, kundi ang atong tibuok kinabuhi para kang Ginuong Hesukristo.”

Sa iyang wali, si Alcayaga nidasig sab sa mga deboto sa “wear the coat of God”, sama sa Batang Hesus, nga andam mosakripisyo ug mohukas sa iyang gahom aron pagsangyaw sa maayong balita alang sa kaluwasan sa katawhan.

Ang alas 4 sa kaadlawon nga misa sa “Hubo” kagahapon sa kapitahan sa Balaang Batang Hesus, sa pagtapos sa tinuig nga kasaulogan sa kapistahan ni Sto. Niño ug nibukas sa Lenten season.

Sa miagi, si Alcayaga niingon nga ang “Hubo” pribadong gipahigayon sa mga paring Augustinian sa Basilica ug gisaksihan sa pinili lang nga kababayen-an.

Apan nausab kini dihang nihangyo ang publiko nga motugot ang komunidad nga Augustinian nga saksihan kini nila. (Sun.star Cebu)