GIKLARO sa kampo sa mga sundalo nga dili pagpangharas ang ilang gihimong film viewing alang sa mga bakwit niadtong Hunyo 6 sa alas 9:00 sa gabii diha sa Capitol Grounds sa siyudad sa Cagayan de Oro.
Nagpahigayon ang kasundalohan og film viewing kalabot sa kahimtang sa UCCP Haran Bakwits diin gipakita ang mga dili makatarunganon nga binuhatan sa giingong sakop sa mga New People's Army (NPA) ngadto sa bakwit.
Apan diha sa social media, nanggawas ang mga akusasyon nga usa kini ka black propaganda ug pagpanghasi alang ngadto sa 165 ka mga bakwit nga gikan sa Sitio Kamansi, Banglay, lungsod sa Lagonglong, Misamis Oriental, nga nagpasilong karon panahona sa kapitolyo probinsyal.
Si 4th Infantry Division Philippine Army Spokesperson Tere Ingente nibutyag sa SunStar Superbalita nga wala man nakita nga adunay pagpangharass nga natigayon ug dili kini nila patolan nga isyu.
Una na nilang giklaro nga cleared na ang Sitio Kamansi ug pwede na kaayong mamalik ang mga bakwit sa ilang lugar. (SVB)