EMOSIYONAL ug puno sa kasadya ang ordinasiyon ni Bishop Raul Dael atol sa homiliya si Cardinal Luis Antonio Tagle, kinsa mapasalamaton kaayo sa maong kahigayonan.
Una kining nagbutyag nga natubag na niini ang pangutana kung nganong mao kini ang gitudlong maoy mag-ordina gumikan na usab kay dali matud pa kining mohilak sama sa Obispo nga bag-ong gi-ordinahan.
“May nagtatanong po bakit ako ang mag ordained, di ko nga rin po alam pero kanina meron nagbigay nang sagot kasi po iyakin ako eh, iyak ako nang iyak, madali akong umiyak,” dalang pasi-aw ni Tagle.
Nagmapasalamaton si Tagle ngadto na sa bag-ong obispo nga si Fr. Raul Dael pagdawat niini sa Ginoo ug lakip na usab sa iyang mga ginikanan kinsa unang nagtugot kaniya sa pagsulod sa pagkapari.
“Father Raul now Bishop, congratulations po. Salamat pinayagan niyo ang anak niyang magpari, kayo ay magulang na rin nang napakaraming tao, marami na kayong papakainin, maraming magmamahal sa inyo,” ang dalang pasi-aw ni Tagle.
“Let Jesus catch you again, nahuli ka na wag ka nang kakawala and thank you for allowing Jesus to catch you,” pahayag ni Tagle.
Gipahinumdoman niini ang obispo nga dili kini masalaag ug mahikalimtan ang misyon sa Ginoo.
“So bishop Raul, huwag kang lalayo sa mission ni Hesus. Huwag kang mag-iimbento ng sarili mong mission. Alam kung magaling ka pero mas may nauna sa atin si Hesus, and our mission will just have to connect itself over and over again to the mission of Jesus,” ang homiliya dalang paghatag og tambag sa bag-ong obispo.
Samtang sa unod sa homiliya niini, kini mibutyag nga kung dawaton nato ang Ginoo, kinahanglan nga mosunod gayud sa iyang mga lakang ug mausab gayud ang atong mga prayoridad sa kinabuhi.
“We must change our priorities, our lives must take another direction if we want God to role if we accepts God’s rule then and it is not business as usual,” saysay niini.
Nasayran nga sa saysay usab ni Bishop Dael nga sa dihang nasayod kini sa pagtudlo kaniya nga mamahimong obispo, dili niya masabot ang gibati, gani nagkurog kini sa kahadlok ug gibati nga dili kini angayan sa maong dakong misyon.
Apan dako ang pagtoo niini nga bisan sa kahuyang, nakita sa Ginoo ang iyang pagpakigbisog alang sa Diyos ug sa wala’y pagduha-duha, gidawat niini ang maong dakong misyon nga puno sa kalipay.
“I couldn’t imagine myself being trusted with such a very sublime mission. I felt unworthy. I know my own inadequacies,” tipik sa pahayag sa bag-ong obispo.
Gidugang pa usab niini nga dako ang pagtoo niini nga nalipay kaniya pag-ayo ang Ginoo diha sa iyang mga gihimong mga paglimbasog luyo sa kahuyang.
“My 'Yes' to God through the Papal Nuncio was facilitated by this enduring intimacy with the Lord through prayer. It is an intimacy that can be best described by the image of two chairs, the Lord’s chair and mine, close together side by side looking towards the same direction,” ang dugang pahayag niini.
Ika-unom sa pito ka magsoon si Bishop Dael, kinsa natawo niadtong Oktubre 10, 1966 diha sa Kimaya Jasa-an, Misamis Oriental.
Nasayran nga gipahigayon ang presbyterian ordination kaniya niadtong Hunyo 07, 1993 sa Metropolitan Cathedral diin gihimo usab ang iyang Episcopal ordination.
Gitudlo kining Bishop sa Tandag niadtong Pebrero 26 ning tuig 2018.
Kahinumdoman nga nahimo usab kining parochial vicar sa Cathedral niadtong 1993 hangtod 1995.
Kasamtangan usab kining director ug professor of Systematic Pastoral Theology Saint John Vianney Theological Seminary siyudad sa Cagayan de Oro sa tuig 2010 hangtod karong panahona.
Malampuson kining na-ordinahan kinsa gi-pasilongan atol sa solemneng ritwal sa kapin 30 ka mga obispo. Gitakda kining mamahimong obispo sa Tandag City, Surigao del Sur.