PUTI nga balas, kolor azure nga tubig-dagat, presko nga hangin, ug ang makapatulog nga kabugnaw sa kalandong ilawom sa punoan sa mga kahoy nga talisay, -- maoy usa sa mga nakapaagni sa among pamilya nga mopabalik pa pag-usab diri.
Kini ang Samalan Camp & Sea, sa Barangay San Remigio, Kaputian District, Island Garden City of Samal (Igacos) sa probinsya sa Davao del Norte, mga 34 kilometro gikan sa barge sa Brgy. Caliclic, Babak.
Makonsidera na nako nga "Huling Hirit sa Tag-init" niadtong among pag-adto kay
ting-klase na, diin na-taymingan nga naa sab niadtong adlawa nag-beach outing si Davao City Mayor Sara Duterte-Carpio.
Swak lang sa badget diri kay P100 ang entrance fee, ug tag P150 lang ang ilang table nga dunay 3-ektarya ang gilapdon sa beach park ug dunay mga 300 metros nga lapyahan.
Di gyud kamahayan ang mga rooms tungod hinlo kaayo, ug dunay shower sa kaugalingon nga banyo.
Puwede sab magdala og tent aron ma-feel ang kabugnaw sa kinaiyahan ug ang unforgettable beach adventure.