MOBALIK si defending champion Patrick John Tierro aron modepensa sa iyang titulo apan gilauman niya nga maglisud siya sa 2nd Mayor James Gamao Cup National Invitational Tennis Championship 2018 nga sugdan karong Miyerkules, Hunyo 13 hangtud Hunyo 16 didto sa Panabo City.
Ang beterano sa Davis Cup una wa maapil sa parsyal listahan nga mopartisipar magduduwa nga gipagawas apan ang organizers mibutyag bag-ohay lang nga mobalik siya aron modepensa og titulo.
Ang ikaupat ranggo sa nasud miangkon, "Of course mas mahirap now", sa pagpangutana sa tiyansa modaug sa torneyo.
"Not just because nandyan si (Jeson) Patrombon but lahat ng top players kasali. And everyone is prepared kasi galing sa tournament lahat ng kasali dyan," dugang ni Tierro.
Si Patrombon, kinsa kasamtangan men's No. 1 player sa Pilipinas sa Unified Tennis Philippines ranking, nga unang higayon makigtigi sa kompetisyon gipresenta sa Merco and Selecta.
Sa bahin ni Merco president Anton Ferrazzini, miingon: "Grabe ang lakas ng mga players ngayon, star-studded ang tournament."
Iyang ginapasabot sila country's No. 2 player Francis Casey Alcantara, No. 3 Johnny Arcilla, No. 5 Vicente Elberto Anasta, No. 7 John Bryan Otico, No. 8 Eric Olivarez, Jr., No. 9 Fritz Chris Verdad, No. 11 Leander Lazaro, No. 13 Dheo Talatayod, No. 15 Arthur Craig Pantino ug No. 17 Ronard Joven kinsa motigi uban ni John Mari Altiche, Kim Ivor Saraza, John Jeric Accion, Rolly John Saga ug Jan Godfrey Seno.
Mga magduduwa moabot ugma ug dunay welcome dinner alang kanila nga i-host sa balay nila Engr. Litoy ug Grace Mercado.
Kinatibuk-ang premyo P150,000 ang gigahin sa netfest nga gi-isponsoran sa Engr. Glenn Olandria, Erja Agri. International Inc., Stronghold Insurance, Swiss Deli (Markus Kehl and Romano Venuti), Mamma Marias (Paul Abao), Anflocor (Anflo Management and Investment Corp.), Rocky’s Barbershop (Timtom Gempesaw), L.A. Arizola Construction and Supply (Dodong Arizola), Cortess Printing (Jun Ramirez), Davao City Representative Karlo Nograles, Dr. Mike Demetria, L.V. Ledesma Construction, Inc. (Ludwig Ledesma), Petfirst Veterinary Clinic (Dr. Joana Ferrazzini-Mercader), Generose Tecson, Asiatraders (Christopher Tan), Dunlop Balls and Engr. Litoy ug Grace Mercado. (MLSA)