SUPERBALITA DAVAO

Kampo sa BIFF-ISIS gipulbos

MAGUINDANAO -- Nakugang ang mga sibilyan sa pagpamomba sa militar ngadto sa mga terorista alas 12:20 sa kadlawon kagahapon, Dominggo.

Sa taho gikan sa Tactical Command Post sa 6th Infantry Division nga gibombahan sa mga sundalo ang lugar nga gitagoan ni Shiek Esmail Abdulmalik, alyas Kumander Abu Toraifie ang Emir sa Bangsamoro Islamic Freedom Fighters (BIFF-ISIS Inspired Group) utlanan sa Pikit, North Cotabato, Pagalungan ug Salipada Pindatun, Maguindanao.

Migamit og duha ka Agusta Helicopter Gunship ang Philippine Air Force sa pagpamomba sa kampo ni Toraifie.

Tungod sa mga dagkong buto sa armas nalisang ang mga sibilyan nga nanagan paingon sa mga luwas nga dapit.

Miabag sab ang 7th Artillery Battalion sa Philippine Army sa pagpamomba gamit ang 105 mm Howitzers Cannon.

Hangtud karon dili pa matino ang ihap sa mga napatay ug naangol sa operasyon sa kasundaluhan.

Kahinumdoman nga bag-o lang namahayag si 6th ID Chief Brig. Gen. Cirilito Sobejana nga palig-unon pa sa Joint Task Force Central sa militar ang paglutos sa BIFF.

Sa kasamtangan naka-alerto na ang Maguindanao People's Medical Team ug

ARMM-HEART sa pagdaghan sa mga bakwit sa dapit. (Edgar Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph