MAGPAHIGAYON ang HNH Builders and Enterprises og President’s Cup 2018 Basketball League karong Hulyo 1 didto sa Liceo de Cagayan University (LDCU) Gymnasium.
Abri kini sa pito ka divisions nga mao ang 13-under, 16-under, 18-under, 24-under, ladies open, inter-company ug 40-up.
Kamulo karon ang registration hangtod Hunyo 18 ug i-screen tanan teams sa Hunyo 20.
Ang registration fee sa 13U, 16U ug 18U mokabat sa P6,000 matag usa, samtang ang 24U ug ladies open moabot sa P7,000 ug P5,000, sunodsunod.
Ang inter-company ug 40-above anaa sa P10,000 matag usa, apan tanan teams mag-deposit og P2,000 matag usa isip cash bond.
Kini nga liga gisuportaan sa Cagayan de Oro City government ug sa CDOBF.
Alang sa mga interesado ug mga kasayuran, paki-contact lang si Pong Dacoco sa city hall.