NAPALGAN ug nakalotan ang usa ka eksplosibo samtang nagkalot ang trabahante sa Cagayan de Oro Water District (COWD) niadtong Biyernes, Hunyo 8, 2018 diha sa Zayas, Barangay Carmen ning siyudad sa Cagayan de Oro.
Ang maong eksplosibo giingong usa ka hand grenade lakip na usab buhing bala sa M14 nga nakasulod sa amo box.
Sa impormasiyon gikabutyag nga nadiskobrehan na lamang sa tinugyanan sa COWD ang maong eksplosibo samtang nagkalot sa maong dapit hinungdan nga gikabalaka kini ug daling gitaho ngadto na sa kapolisan sa Police Station 4 (PS4) sa Carmen.
Gikabutyag nga daling girespondehan sa kapolisan lakip na usab sa tinugyanan sa Explosive Ordnance Disposal (EOD) alang sa tukmang disposasiyon.
Sa tipik sa pahayag ni SPO4 Fernando Laspoña, imbestigador sa PS4 nga posibleng gitago ang maong eksplosibo gumikan kay nakasulod man kini sa box.
“Dili raman kay nakasulod man sa amo box, gitago-an siguro kay delekado biya og mobuto” pahayag ni SPO4 Fernando Laspoña.
Ang maong eksplosibo ang anaa na sa tinugyanan sa EOD alang sa tukmang disposasiyon.