HILABIHAN ang pagpasabot sa gobyerno sa Pilipinas labot sa abyon panggiyera sa nasud China nga mitugpa sa Francisco Bangoy International Airport Davao City niadtong Biyernes, Hunyo 8.
Dako ang kakurat sa mga Dabawenyo gumikan sa lahi og porma sa maong abyon ug adunay dako kaayong tingog, hinungdan nga pipila didto sa social media gipasupot ang katingala kung unsay nahitabo.
Adunay mga komento sa kahadlok kay basin unya ug usa na kadto sa timailhan sa pagpaniid sa China sa nasud ug basin unya gyerahon ang nasud.
Diha say miingon nga basin bag-o nga passenger charter plane nga mokonekta sa dug-ol nga mga lugar gikan Davao City.
Apan gilayong nagpasabot ang Malacañang pinaagi ni Special Assistant to the President (SAP) Bong Go nga walay laing tuyo ang abyon nga Ilyushin IL-76 ubos sa People's Liberation Army Air Force sa China kon di ang pagtubil lamang og gasolina kay nahubsan kini sa ilang paglupad padung New Zealand alang sa usa ka military exercises.
“The landing was requested for the specific purpose of refueling and was granted and given with specific conditions for compliance by the requesting party,” ingon ni Go.
Bisan paman niini, wala gihapon nawala sa hunahuna nga basin unya gyerahon sa China ang Pilipinas labi na sa giawayan niini nga West Philippines Sea. O basin pagpanghuraw lang kadto sa China sa Pilipinas?
Wala unta'y laing buot ipasabot ang pag-landing sa maong abyon sa Davao City.