SUPERBALITA DAVAO

15 tighimo'g bomba napatay

MAGUINDANAO -- Nailog na sa militar ang himu-anan og bomba sa mga terorista alas 4:00 sa kaadlawon niadtong Domingo, Hunyo 10.

Gibutyag ni Western Mindanao Command Spokesman Lieutenant Colonel Gerry Sobejana nga target sa Law Enforcement Operation sa Joint Task Force Central nga gipangulohan ni Sixth Infantry Division Chief Brigadier General Cirilito Sobejana ang himu-anan sa Improvised Explosive Device (IEDs) sa DAESH Inspired Terrorist Group ilawom sa grupo ni Kumander Abu Walid sa utlanan sa Pikit, North Cotabato lakip na sa SK Pindatun, Pagalungan ug Datu Montawal Maguindanao.

Gibombahan sa duha ka helicopter gunship sa Philippine Air Force ang kampo sa mga terorista.

Nagpalupad sab og mortar ang puwersa sa Seventh Field Artillery Battalion sa Philippine Army ug gibungkag ang gilubloban sa mga rebelde.

Gumikan sa kahadlok sa mga sibilyan, namakwit sila paingon sa luwas nga mga dapit sa Maguindanao ug North Cotabato.

Giklaro ni Sobejana nga layo sa mga sibilyan ang operasyon sa militar ug dili sila angay nga mahadlok.

Gihangyo sa opisyal ang mga sibilyan nga mobalik na sa ilang gipuy-an gumikan protektado sila sa puwersa sa kagamhanan.

“I am very determined to defeat these threat groups and prevent them from doing terroristic activities to bring about peace in Central Mindanao," asoy ni Sobejana.

“We urge the continued support and cooperation of our people in the communities to hasten the attainment of peace and development. Let us be partners in preventing and countering the efforts of the radical extremist groups in sowing fear and violence," dugang niya.

“I am calling the community to be vigilant and committed to peace,” pagklaro ni Sobejana.

Nailog sab sa Joint Task Force Central ang himu-anan sa bomba sa grupo ni Walid ug gitaas ang bandila sa Pilipinas sa dapit.

Gikompirma sab sa mga bakwit nga adunay napatay ug naangol sa grupo ni Abu Walid nga tuong kamot ni Shiek Esmail Abdulmalik alyas Kumander Abu Toraifie kinsa giingon nga Emir sa BIFF-ISIS Inspired Group.

Subay sa taho sa militar, 15 ang napatay sa mga terorista.

Ang operasyon sa militar dunay direkta nga koordinasyon sa MILF Ceasefire Committee ug International Monitoring Team. (Edgar Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph