Kapin 3 mil ka itlog gipakaon atol sa Independence day

PINASAHING kasaulogan sa Independence Day o Adlaw sa Kagawasan ang gipahigayon Martes, Hunyo 12, sa Kiosko Kagawasan, dakbayan sa Cagayan de Oro.

Mokabat sa 3,020 ka mga itlog ang giporma og mapa sa Pilipinas ang gibuksan ug gipakaon sa katawhan nga anaa atol sa kasaulogan nga gipangulohan ni Mayor Oscar Moreno.

Sa pakighinabi kang Bobong Abellanosa sa Historical Commission, mibutyag nga kini usa sa pamaagi sa pag-promote sa dakbayan sa Cagayan de Oro ilabi na sa unique nga pamaagi sa pagsaulog sa Independence day.

“This is a unique way of celebrating sa Philippines kay usahay kana ra mang flag raising ceremony and everybody can partake of the food, naa’y kalingawan,” pahayag ni Abellanosa sa SuperBalita.

“Ang amo lugar ani promote natong, kay makita man gyud ni all over the world gikan sa Facebook, gikan sa news nga yes ang Cagayan de Oro unique ang atong celebration sa Independence,” dugang pa niini.

Gidugang pa nga itlog ang napili karong panahona nga giporma og mapa sa Pilipinas aron pagsimbolo sa Kagawasan nga gawas nga naangkon kini imo pa usab nga makaon.

“You can have your freedom and eat it too, naa kay symbol of freedom makaon pa gyud nimo,mao na ang symbolism anang gibuhat nato,” ang dalang pasi-aw nga pahayag ni Abellanosa.

Nasayran nga gisugdan kini kaniadtong tuig 2008 apan nahunong ug nabalik niadtong tuig 2014 hangtod nga nabalik nasab niining tuiga ug nanghinaot nga mapadayon kini sa mga sunod pa nga mga katuigan

“Hopefully next year a bigger map we don’t know kung unsa among ibutang makaon gyud siya kon dili itlog,it could be cake, it could be doughnut, it could be kakanin, biko or what, pero we want people to partake every after sa Independence day celebration,” dugang niini.

Ang maong mga itlog gikan sa livelihood program nga gisuportahan sa BUB sa dakbayan ug gitabangan pinansiyal sa Department of Labor and Employment (Dole).

Giingong ang maong mga itlog probiotic kini o wala kini bahogi og bisan unsa nga klase sa feeds ug organic lamang kini.

Nalingaw ang katawhan nga anaa atol sa maong selebrasiyon ilabi na sa pagkuha og mga itlog nga luto na kining daan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph