SECTIONS
Monday August 20, 2018
SUPERBALITA CAGAYAN DE ORO

Mga ghost employee ibulgar na

GIKATAKDANG ipagawas ang listahan sa giingong mga ghost employee sa Sangguniang Panlalawigan (SP) adlaw’ng Lunes.

Kini ang gibutyag ni Misamis Oriental Provincial Board Member Eric Kho kinsa nipasabot nga wala siyay ebedinsya niini apan adunay makahatag kaniya og kumpirmasyon nga adunay ghost employee sulod sa buhatan sa SP.

“Gusto man gyod sila mangita og pruweba ang atong mga katawhan nga nagpugos pagpabutyag niini, o sige wala nakoy problema kon kinsa ni so gaingon sila naa bakoy ikapakita so naa ipakita nato kini sa Lunes nga ilang ihatag nato karong sesyon,” pahayag ni Kho.

Samtang wala kini gikalipay ni Vice Governor Joey Pelaez gumikan kay giingong tsismis lamang kini ug walay basihan.

Matud ni Pelaez nga bug-at kini kaayo nga alegasyon ug makaapektok kini sa mga membro sa SP.

“Hearsay lang kini ug nadunggan sa laing tao. Unfair ra kini kay pwede raman diay ang hearsay based lang sa tsismis nga akusasasyon sa mga miyembro ug mangayo kita og proof kinsa kini nga mga tao kay ato kining panguntan-on,” matud ni Pelaez.

Sa iyang bahin ni Governor Yevgeny Vincente Emano, mibutyag nga kon adunay tsismis bahin niini angayan lang kini lantawon.

“Angayan lang gyod lantawon. Kung dunay mga hearsays ilang tan-awon. Anyway kon confident ang Sangguniang Panlalawigan nga wala makapalimpyo man pod kini sa ilang ngalan,” matud niini.

Dugang pasabot ni Emano nga sukad pa sa pagsugod nila paglingkod ni Pelaez dili na siya gapanglabot sa SP kon unsaon nila pagkuha sa ilang mga empleyado.

“I don’t know how they run kay sukad pa sa una pagsugod namo ni Vice Gov. Peleaz dili ko panghilabot kung unsa ilang pagpadagan how they manage how they hire sa ilang empleyado diha sa Sangguniang Panlalawigan,” pasabot ni Emano.


VIEW COMMENTS