SECTIONS
Monday August 20, 2018
SUPERBALITA DAVAO

Editorial: Kagawasan sa pamahayag

MALINAWON ang pagsaulog Martes, Hunyo 12, sa ika-120th Independence Day diin sa Davao City walay mga lihok protesta nga gihimo sa mga militanteng pundok.

Sa Kaulohan, daghang mga rally ang natigayon ug diha sab sa rally ang mga Pro-Duterte, pero pipila lamang ang miapil niini itandi sa mga nangapil sa anti-Duterte rally.

Sa pagpamulong ni President Rodrigo Duterte sa Kawit, Cavite, Martes, nahunong siya gamay ug nawala sa iyang script human iyang nadungog ang mga singgit sa mga raliyesta di lamang layo gikan sa iyang nahimutangan.

Iyaha dayong gimandoan ang mga pulis nga dili lamang hilabtan kay nagpasibaw lamang sila sa ilang katungod, diha ka dakpon ugaling mohimo sila og bayolente nga mga pamaagi.

Hinuon, nahuman ang presidente sa iyang pamulong ug nagpadayon og singgit ang mga militante.

Kini unta ang mahitabo matag dunay rally, di parehas sa mga nanlabay nga administrasyon nga magkasakitay ang mga raliyesta tali mga pulis.

Bisan giingong gikubsan ni Duterte ang kagawasan sa pagpahayag, diha sa iyang pagpasira sa online portal nga Rappler, padayon gihapon siyang mirespeto sa kagawasan sa pagpadayag.

Kay kung si Duterte ang klase sa tawo nga di gyud modawat og kritisismo, hagbay ra unta nga way press freedom sa nasud sukad sa iyang paglingkod.


VIEW COMMENTS