SECTIONS
Monday August 20, 2018
SUPERBALITA CAGAYAN DE ORO

Ihap sa pasyente sa mga provincial hospital nagkadaghan

MOABOT ngadto sa 1,000 ka mga pasyente matag bulan ang moabot sa mga tambalanan sa probinsya sa Misamis Oriental.

Butang nga maluag-luagan na ang Northern Mindanao Medical Center (NMMC) nga kanunay gapunsisok ang pasyente gikan sa nagkalain-laing lugar sa Rehiyon 10.

Matud ni Provincial Health Officer Jerry Calingasan nga sa iyang pagsusi sa buhatan sa NMMC pinaagi ni chief II Dr. Jose Chan kumpirmadong miubos ang ihap sa pasyente nga gakahidangat sa NMMC gumikan kay aduna naman Misamis Oriental Provincial Hospital.

Dugang ni Calingasan nga nagpasabot lamang kini nga maayo karon ang paghatag og serbisyo sa walo ka mga balay tambalanan gikan sa MOPH sa lungsod sa Magsaysay, Gingoog, Talisayan, Balingasag, Manticao, Claveria ug Initao.

Sa pagkakaron gi-implementar ang walo ka state owned hospital ang zero balance nga billing niadtong mogawas ug mosulod nga pasyente.

Nagpasabot sab kini nga sa maong pagsaka gitouhang gisaligan na og maayo ang mga naasoyng balay tambalanan sa nagkadaiyang lungsod sa probinsya.


VIEW COMMENTS