SECTIONS
Monday August 20, 2018
SUPERBALITA CAGAYAN DE ORO

Liaison officer, machine shop helper sikop sa drug bust

TIKLO ang usa ka babaye nga giingong liaison officer sa gipahigayong drug bust sa kapulisan mga alas 4:30 sa hapon niadtong Adlaw sa Kagawasan, Hunyo 12, sa Velez-Chavez streets, dakbayan sa Cagayan de Oro.

Naila ang suspek nga mao si Sheryll Akut, 41, ug usa ka liaison officer sa law firm kinsa residente sa Barangay Carmen ug laing kauban nga naila nga si Francisco Ranile, 24, ug usa ka machine shop helper nga taga Carmen.

Sa nahipos nga impormasiyon, nasayran nga nagpahigayon ang kapulisan og drug bust sa pagpangulo ni Police Chief Inspector Harvey Abellanosa, hepe sa Police Station 2 (PS2) sa Cogon, hinungdan nga malampusong nasikop ang mga dinakpan.

Malampuson silang napalitan sa ginadiling druga ginamit ang usa ka libo nga drug bust money ug nakuha gikan sa ilang posisyon ang anaa sa duha ka libo nga kantidad sa shabu.

Ang mga dinakpan ang kasamtangang nagtingkagol na sa bilanggoan alang sa tukmang disposasiyon.


VIEW COMMENTS