SECTIONS
Monday August 20, 2018
SUPERBALITA DAVAO

Delos Reyes: Nangamatay wa nay labot

GIKASUKO ni Kris Aquino ang paggamit ni Mocha Uson sa hulagway sa duha ka babaye nga mihalok kang kanhi Senador Benigno Aquino Jr. sulod sa eroplano sa iyang pagbalik sa Pilipinas nga miresulta sa iyang kamatayon didto sa tarmak sa Airport sa kaulohan nga karon gihinganlan na og Ninoy Aquino International Airport.

Gihulagway ni Uson nga walay kalahian sa halok sa duha ka babaye kang Ninoy ug sa paghalok ni Presidente Rodrigo Duterte kang Bea Kim nga gihatagan og malisya sa mga kritiko sa pangulo.

Dili kuno angay iapil ni Uson ang ilang amahan nga dugay na mipahulay kay walay pagrespeto sa ilang pamilya ang pag-apil-apil sa ilang amahan sa isyu nga gikahilambigitan ni Digong.

Asa man nga bahin ang pagkawalay respeto sa pagtandi ni Uson sa duha ka halok? Sa akong pagsabot, dili pagpanamastamas kang kanhi Senador Aquino ang gibuhat ni Uson. Sa iyang pagtandi nganong wala man gihimong isyu ang mga halok kaniadto ug nganong wa man gihatagan og malisya? Tungod lang ba kay ilang kaalyado si Noynoy samtang ilang gitan-aw nga kaaway si Digong?

Kon pagrespeto sa mga hagbay ra nangamatay ang atong hisgutan, ngano nga hangtud karon kanunay man ginabatikos sa mga kaatbang sa baruganan ang pamilya ni kanhi Presidente Ferdinand Marcos apil pa ang iyang tibuok pamilya ug mga kaalyado nga dili naman kaha angay gamiton ug iapil pa sa mga isyu ang nangamatay na? Pila ka dekada na ang nanglabay apan mao gihapon ang isyu hangtud karon nga ginasinggit sa mga militante diha sa kadalanan. Di ba kaha nakakita lang og isyu si Kris nga iyang gisakyan aron mapansin sa katawhan?

Sa miaging adlaw nga atong gisaulog ang ika 120 nga tuig sa Independence Day sa dakbayan sa Davao ug halos sa tanang dapit sa nasud dunay susama nga panagtigom. Una nga higayon sukad nahimong Presidente si Duterte nga iyang gipangunahan ang pag saulog ug namulong didto sa Kawit Cavite sa Aguinaldo Shrine. Duna sab sa Luneta Park diin gipangunahan ni Vice President Leni Robredo ang selibrasyon. Si kanhi Chief Justice Maria Lourdes Sereno sab maoy dinapit nga mamumulong sa pdidto sa Quezon City diin iyang gibatikus ang pamunoan ni President Duterte.

Sa kadaghan sa mga dapit diin didto ang mga oposisyon sa tunga pa gyod sa panon nga mitambong aron paminawon ang pagpamulong ni Duterte misingit si Francis Couichie Rafael nga mimugna og kagubot.

Pwede man unta mopasibaw unsay imong gibati uyon o kontra ka man sa pagpadagan sa nasud apan dili unta sa pundok nga nagkatapok sa aron magsaulog sumala sa ilang gibati kay naa man pundok ang mga dili pabor.

Dili man seguro husto nga atong guboton ang tigum sa uban tungod lang kay lahi ang atong aroganan. Naghunahuna ba mo nga makakuhag simpatiya aron suportahan sa katawhan ang inyong kawsa pinaagi sa pagmugna og gubot?


VIEW COMMENTS