AFP, Museo Sugbo mipahigayon og exhibit sa Independence Day

Exhibit. Pipila ka mga babaye mingsuway sa pagkupot sa pipila ka mga armas atol sa exhibit sa Armed Forces of the Philippines (AFP) ug Museu Sugbo pasinunot sa kasaulogan sa Independence Day. (Carla Jane Calotes)
Exhibit. Pipila ka mga babaye mingsuway sa pagkupot sa pipila ka mga armas atol sa exhibit sa Armed Forces of the Philippines (AFP) ug Museu Sugbo pasinunot sa kasaulogan sa Independence Day. (Carla Jane Calotes)

KAGAWASAN Exhibit 2018 ang gitanyag sa Armed Forces of the Philippines (AFP) inabagan sa Museo Sugbo nunot sa kasaulogan sa ika-120 nga Independence Day sa Pilipinas.

Ang katuyoan sa exhibit mao nga masayran sa publiko, labi na gayud ang mga millenials sa maisugong paningkamot sa mga sundawo sa panahon ni Lapu-Lapu, sa mga Katipuneros, sa Philippine Revolutionary Army ug sa Armed Forces of The Philippines niadtong panahon sa World War II.

Makita ang mga hulagway nga kuha sa lain-laing maniniyot gikan sa Photographers Club of Cebu kon diin pinaagi niini ilang pasidunggan ang mga bayani ug mapakita sa publiko, sa AFP kun unsa ang “pagpanundawo”.

Ang karaang mga pusil nga gigamit niadtong World War II gi-display usab ug mamahimo kining kuptan, alsahon ug magkuhag hulagway kuyog niini, apan di angay mabalaka kay ang mga sundawo anaa aron moabaga sa mga moduaw.

Gipasundayag usab ang Inabanga, Bohol incident kon diin usa kini sa labing malampusong pakig-gubat karon batok sa mga terorista.

Nagkanayon si Major Christian Uy, group commander sa Civil Relations Service sa AFP, nga ang kalampusan sa gubat mao ang pagtabang sa komunidad pinaagi sa pagreport dayon sa Philippine National Police (PNP) ug Armed Forces of the Philippines (AFP) kon adunay mabantayan o makit-an nga mga terorista sa ilang lugar.

“In 11 days, nahurot na silang tanan (11 ka terorista) ug neutralized. Dali kaayo because of the involvement of the community” dugang ni Uy nga mipresentar sa lista sa mga ngalan sa mga Marawi Heroes.

Nipadayag usab si Ma. Cecilia Cabañes, Museo Sugbo researcher, nga kini nga exhibit magpaila sa mga bayani sa Sugbo tungod kay kasagaran ang mga bayani lamang nga taga lain nga lugar ang nailhan sa mga tawo.

Ang gi-display nga mga gamit ug mga artifacts gikan sa Museo Sugbo mao ang kang Pantaleon “Leon Kilat” Villegas, sa Katipunero nga si Don Gregorio Abellana, koleksyon sa mga libro ni Manuel Segura ug daghan pa.

“Actually, og imong tan-awon ba, dali ka ma amaze nga ang butang nga gisul-ob sa mga bayani kaniadto naa pa diri atong gidisplay, matan-aw in person, rather than just reading them in books, watching them sa TV,” asoy ni Cabañes. (Carla Jane Calotes, CNU Comm Intern)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph