SECTIONS
Tuesday August 21, 2018
SUPERBALITA CEBU

Chan gipasidunggan sa PAF-Mactan

NAKADAWAT og pasidungog sa Air Mobility Command sa Philippine Air Force nga nagbase sa Mactan Benito Ebuen Air Base sa Dakbayan sa Lapu-Lapu si Kapitan Junard “Ahong" Chan sa Barangay Pajo.

Si Chan nga bag-o lang nasublian sa katungdanan usa sa gipasidunggan sa unang anibersaryo sa Air Mobility Command sa PAF sa miaging adlaw.

Personal nga mitunol sa pasidungog ngadto ni Kapitan Chan mao gayud ang Commanding General sa Philippine Air Force Lieutenant General Galileo Kintanar, Jr inabagan ni Air Mobility Commanding General. Major General Nicolas C. Parilla ingon man sa iyang Deputy Commander, Brigadier General Marcelino Randy L. Tibayan.

Ang pasidungog nga nadawat ni Chan gumikan sa makanunayon niini nga pagpaluyo og suporta sa kalihukan sa Philippine Air Foce ilabi na gayud sa Air Mobility Command.

Nakatabang gayud sa Philippine Air Force ang tanang suporta nga gipaabot ni Kapitan Chan sa mga kalihukan niini.

Nakita usab sa kadagkuan sa Philippine Air Force ang maayong pagdumala ni Kapitan sa Chan sa Barangay Pajo hadiin nahimutang ang Mactan Benito Ebuen Air Base.

Aktibo si Kapitan Chan sa pagpatuman sa programa pagpatuman sa kahusay og kalinaw sa Barangay Pajo ilabi na gayud sa kampanya batok sa gidiling drugas.

Daghan na nga suspetsadong drug user ug pusher nga naglihok sa Barangay Pajo ang nakadakpan sa kapolisan gumikan sa tabang ni Kapitan Chan.

Laing programa ni Kapitan Chan mao ang pagtabang sa mga mulopyo sa barangay Pajo nga makasulod og trabaho ilabi na gayud sulod sa Mactan Export Zone. (PR)


VIEW COMMENTS