SECTIONS
Tuesday August 21, 2018
SUPERBALITA CEBU

Talk to Papa Joe: Dili makabuwag

Dear Papa Joe,

Maayong adlaw nimo. Ako diay si Teresa, 20 years old, nagpuyo dinhi lang sa Cebu City. Ang akong problema mahitungod sa akong kaugalingon. Nakapatambag na ko nimo sa imong programa sa radio. Imo na kong gitambagan pero wala lang gihapon ko maminaw, maong nisuwat na sab ko nimo dinhi sa Super B.

Kon nakahinumdom kapa niadtong akong problema sa akong uyab nga dunay laing uyab. Duha mi sa iyang kinabuhi. Mas una silang nagkauyab sa girl. Ug dihang nahibaw-an mi niya, giaway ko sa babaye. Iya pa gani kong gi post sa Facebook.

Nagpatuo baya unta ko sa imong unang tambag nako nga buwagan na lang ang laki, pero nagpakiluoy man siya nako, ug ako sab, naluoy ko niya sa iyang hilak-hilak with matching luhod-luhod pa gyud.

Nagkabalik ming duha samtang sila gihapon sa girl nga nisugot na lang nga duha mi. Sakit baya gyud kaayo labina kanang makahibawo ko nga pagkahuman namog date, like manan-aw ug sine, mag-malling ug uban pa, mo duty napod siya sa pikas girl. Aware ko anang tanan nga inig human nako, tapon napod siya sa pikas.

Ambot ba nga dili man gyud ko makabuwag niya? Unsa may akong buhaton kay sakit na gyud kaayo. Ug nakahibawo pod kong gisakitan pod ang other girl aning among sistema. Please tambagi ko.

TERESA

Dear Teresa,

Sama sa akong gitambag nimo niadtong una kang nagpatambag nako nga ayaw na pailad anang lakiha kay selfish ra kaayo siya. Duha ka kutsara ang gipasok sa iyang baba sa samang higayon. Paminaw nimo gugma kaha na? Is it love or lust? mao nay timbang timbanga sa imong kaugalingon.

Dako na ka ug duna nay saktong pang huna-huna. Unsa may nakita nimo anang lakiha nga inyo man gyud nga giilogan? Dili kana ba diay makakita og laing lalake nga kanang ikaw ray tan-awon? Ikaw ra gyud makadesisyon.

PAPA JOE

(Sa inyong mga problema ipadala sa papajoesuperb@gmail.com)


VIEW COMMENTS