PANABO CITY, Davao del Norte -- Ang mga bug-at nga paborito nag sila Francis Casey Alcantara, Johnny Arcilla, Patrick John Tierro ug Vicente Elberto Anasta nakuha ang unang daug sa 2nd Mayor James Gamao Cup National Invitational Tennis Championship 2018 nga gisugdan niadtong Miyerkules sa Panabo City twin courts.
Si top seed Alcantara, 26, nga taga-Cagayan de Oro City, gipagahi si Ronard Joven sa Sultan Kudarat, 6-2, 6-2, aron momarka og maayong pagsugod sa kampanya.
Wala siya makaapil sa milabay nga tuig edisyon.
Si Alcantara, miingon sa interbyu sa Sun.Star Davao, nga pamilyado na siya sa dinulaan ni Joven diin matag adlaw sila nag-uban pagbansay sa Manila.
Samtang ang 38 anyos, second seed Johnny Arcilla sa Butuan City nagpabilin buhi dihang gilampaso ang 18 anyos Jan Godfrey Seno sa Cebu City, 6-1, 6-2.
Matod ni Arcilla nga iyang gigamit iyang kasinatian aron mapresyur si Seno ug modomina sa pagsugod sa duwa.
Dugang sa beterano nga luyo wala si No. 1 Jeson Patrombon sa kompetisyon, ang pagsungkit og titulo di lalim tungod sa presensya nila Alcantara, defending champion Tierro ug Anasta.
Ang third seed Tierro gipalagpot sab si Gabriel Perez, 6-1, 6-1, samtang ang fourth seed Anasta nakaluwas kang John Jeric Accon sa Davao City, 6-4, 6-4.