SECTIONS
Monday August 20, 2018
SUPERBALITA CEBU

8 LGUs gihatagan og tabang sa EMB

WALO ka local government units (LGUs) ang tunolan sa Environmental Management Bureau (EMB) 7 og financial assistance isip hinabang sa ahensiya sa pagpasira sa open dumpsites.

Matod ni EMB 7 regional director Engr. William Cuñado nga bag-o ang rekomendasyon sa pagpasira sa tagsa-tagsa ka mga open dumpsite ilaha kining gi assess aron masuta kon kinahanglan na kini sirhan.

Lakip sa mga LGUs nga hatagan sa EMB 7 sa Financial Support Program mao ang Carmen, Madridejos, Santa Fe, Medellin, San Remigio alang sa Sugbo, Larena ug San Juan sa Siquijor ug Tagbilaran sa Bohol.

Aduna’y tagsa nga P940,000 ang itunol sa Carmen, Madridejos, Santa Fe, Medellin, ug San Remigio.

Samtang makadawat og P1.6 milyon ang Larena, P1.2 milyon ang San Juan ug P7.1 milyon ang Tagbilaran.

Gikatakda nga mosumiter na sa ilang requirements ang Carmen ug Tagbilaran samtang ang Madridejos, San Remigio, Medellin, Larena, ug Santa Fe kuwang pa sa resolution nga motan-aw sa implementasyon niini.

Samtang, ang Sta. Fe kuwang pa og tax declaration ug uban pa. Dugang ni Cuñado nga alang usab sa 10 ka tuig nga rehabilitasyon ang maong budget. (HBL)


VIEW COMMENTS