SECTIONS
Monday August 20, 2018
SUPERBALITA CEBU

20T ka kawani sa CV gi-regular na sa trabaho

MOKABAT na sa 20,065 ka mga kawani sa Central Visayas ang boluntaryo nga gi-regularized sa 200 ka mga estbalisyemento subay niining kampanya sa Department of Labor and Employment (DOLE) 7 batok illegal nga contracting.

Si DOLE 7 regional director Atty. Alvin Villamor nga full blast na ang ilang gihimo nga adbokasiya sa boluntaryo nga compliance niining pagregular sa mga kawani.

“We are happy to note of the rising number of establishments adhering to our call of voluntarily compliance insofar as regularization of workers is concerned. That is a demonstration of their commitment to partner and work with us in ensuring the rights of workers to labor standards benefits, self-organization and security of tenure,” matod ni Villamor.

Sagad niining mga kawani anaa sa manpower services, retail, manufacturing, hotels, resorts, restaurants, Business Process Outsourcing (BPO), ug si Information Technology.

Nihulagway usab ang direktor nga 95.54% na kini sa ilang target nga 21,000 ka mga kawani nga i-regularized.

“We still have so much work to do and we hope that more and more establishments will follow suit and regularize their workers without having to wait for a DOLE inspector to visit them and check their compliance,” dugang ni Villamor.

Dugang niini nga ang legal basis sa legitimate job contracting ug ang illegitimate o labor-only-contracting (LOC) anaa kini sa Articles 106 ug 109 sa Labor Code of the Philippines.

Aron masiguro nga na-regularized ang mga kawani, ilaha kining gipangayuan og documentary proof sa ilahang compliance.

Lakip niini nga dokumento mao ang appointment sa regularized workers, enrollment sa mga trabahante sa payroll niini, pamatuod nga giremitan sila og SSS, PhilHealth ug PAG-IBIG. (HBL)


VIEW COMMENTS