SECTIONS
Saturday August 18, 2018
SUPERBALITA CEBU

P20 umento gamay ra: Davide

GIGAMYAN lang si Gobernador Hilario Davide III sa P20 nga umento sa minimum nga sweldo sa mga trabahante sa Metro Cebu nga giuyonan sa mga sakop sa Regional Tripartite Wages and Productivity Board (RTWPB) 7 niadtong Lunes.

Alang niya maayo nga P30 ang usbaw sa suhulan tungod sa nagkataas nga presyo sa mga palaliton gumikan sa Tax Reform for Acceleration and Inclusion (TRAIN) Law.

“Gamay ra tingali kaayo mayta to bisag P30 na lang. Imagine with the Train Law, kon imong i-consider ang TRAIN Law nagkataas lagi ang sweldo but with P20 unsa may mapalit oi usa ka stick sa sigarilyo,” padayag sa gobernador.

Siya dili usab motuo nga daghang mga mamumuo ang mawagtangan og trabaho ug daghang mga kompaniya ang manira kon sobra sa P20 ang ihatag nga umento sa sweldo.

Sumala ni Davide, mas maayong magkaabot sa tungatunga ang labor ug management sectors alang sa kaayohan sa mga mamumuo. (SCG)


VIEW COMMENTS