SUKAD pa kaniadto, ang luy-a kon “turmeric” naila sa tibuok kalibutan nga bulawang gamot tungod sa iyang dilaw nga kolor ug nahatag nga daghang benepisyo. Gani, daghan ang nagtuo nga usa kini sa mga gipangtanyag nga gasa pagkatawo ni Hesus sa Herusalem gikan sa tulo ka hari.
Sa subra 7 mil ka mga pagtuon, natino nga kining Turmeric dunay daghang bitamina, mineral ug nutrients sama sa iron, dietary fiber, magnesium, bitamina C, E, ug K, potassium, calcium, copper, zink ug protina nga makapa-tambal ug makapa-ayo sa mga sakit-sakit. Duna sab kini antibacterial, antifungal ug antiviral nga mga sangkap nga makapatay sa kagaw, apil anti-oxidant, antinutagenic, ug anti-inflammatory nga makapahiyos sa hubag-hubag.
Namatud-an na sa makadaghan nga kining gamhanang gamot dako og natabang pagtambal sa mga cancer ug tumor labi na prostate, leukemia, colon ug breast cancer kay pugngan man ini ang pagtubo og pagdaghan sa tumor cells.
Makatabang sab kini pagkontra sa depression kay puno kini og anti-oxidant nga naila nga anti-depressant.
Tungod kay anti-inflammatory man kini, maka-pahiyos sab kini sa mga hubag-hunag gawas of sulod sa lawas sama sa rheumatoid arthritis, osteoarthritis ug mga joint pains. Kung imo kining ipahid sa mga kagid-kagid o samad sa panit sama sa psoriasis, dali ra kining maayo kay gawas nga antiseptic, antiviral pa gayod kini.
Makapahimsog sab kini sa atong kasing-kasing kay tunawon man ini ang bad cholesterol ug tambok. Daghan sab kini og enzymes mga mo-limpyo og mo-detoxify sa atay ug motabang pagpugong sa sakit nga Alzeimers kay motabang man kini og padaloy og insakto sa oxygen ug dugo sa kaugatan.
Kining bulawang gamot na say bag-ong gigamit karon pagpahiyos ug pagamay kay sunugon man ini ang subrang tambok.
Simpli ug sayon ra kaayo ang paggamit ining pinulbos nga luy-a kay isagol ra man kini deritso sa tsa, kape, juice o sabaw, kan-on o bisag unsang sud-an.
Gawas nga barato ug humot, matanom ug dali ra kining motubo sa palibot.