NAGPAKATAP og 30 puntos ang Sugbuanong si Reed Juntilla aron agakon ang Zamboanga Valientes sa 86-80 nga kadaugan batok sa hosts Laguna Heroes sa Maharlika Pilipinas Basketball League (MPBL) Datu Cup sa Alonte Sports Stadium sa Biñan.
Si Juntilla, kinsa produkto sa University of the Visayas (UV) Green Lancers ufg katapusang nagduwa sa Philippine Basketball Associaton (PBA) ubos sa kampo sa GlobalPort Batang Pier, nakadugang sab og unom ka rebounds ug lima ka assists.
Sa pagpangulo ni Juntilla, ang Valientes nakabangon gikan sa 11 puntos nga pagkalubong aron pakagingon ang host team.
Ang Laguna gipangulohan ni kanhi two-time PBA champion Denok Miranda pinaagi sa iyang 26 puntos.
Gipasabot ni Juntilla nga duha pa lang ka mga semana sila nga nag-ensayo ug malipayon siyang nakabaton dayon sila og kadaugan. (ESL)