ADUNAY katahap ang bantugang boxing promoter sa kalibutan nga dili madayon ang panagharong nila ni Filipino boxing icon Manny Pacquiao ug World Boxing Association (WBA) welterweight champion Lucas Matthysse karong Hulyo 15 sa Kuala Lumpur, Malaysia.
Nagkanayon si Arum nga hangtod ning puntoha, ang mga nagpasiugda sa Malaysia wala pa gihapon ningbuhi sa gikinahanglang pundo alang sa pagpahigayon sa away.
“Well it’s hard to tell. I don’t want to be judgemental because the fight is in a place where they are not used to doing big fights or any kind of fights really, Malaysia,” matod ni Arum sa interbyu sa www.boxingnewsandviews.
Gipasabot ni Arum nga sa kadugayon niya sa pagpahigayon og dagkong boxing event sa kalibutan, wala siya nakaila sa mga personalidad nga nag-organisar sa Pacquiao-Matthyesse bout.
Igo na lang sa panghinaot si Arum nga dili mahitabo ang iyang gikahadlukan alang sa kaayuhan sa Pambansang Kamao sa Pilipinas, kinsa iyang giagak kaniadto.
”A lot of funds have to be put up between now and the time the fight happens for the fight happens. Hopefully for Manny’s sake those funds will be put up. I really don’t know these people and am not saying it will be the case (that the fight doesn’t happen). Again I’m not saying it won’t happen but I don’t know for sure if it will happen,” pasabot ni Arum.
Hinuon ning puntoha, ang away sanctioned gihapon sa WBA ug wala pa’y nakitang mga kakulian nga dili kini madayon gawas lang sa gikatahapan ni Arum. (ESL)