Doria lugwayan sa CCPO kay wa pay bakante sa taas nga posisyon

POSIBLING malugwayan pa ang termino sa hepe sa Cebu City Police Office (CCPO) nga si Sr. Supt. Joel Doria samtang wala pay bakante nga iyang kabalhinan sa taas nga posisyon sa kapulisan lukop sa nasud.

Kini ang gibutyag ni PNP Chief Director General Oscar Albayale atol sa iyang pagbisita sa syudad sa Sugbo sa dihang mitambong sa Armscor gun show niadtong Biyernes.

Matod niya nga kadtong mga city ug provincial police office directors nga adunay maayong performance angay nga hatagan og reward ug pangitaan og maayong posisyon apan samtang wala pa magpabilin una kini sa katungdanan.

“Syempre after two years mayron tayong policy, but we are still looking for positions lalo na yung talagang nag perform ng maganda, they should be rewarded also sa next higher position dahil may tinatawag kaming ladderized career. Kailangan nilang umakyat na rin,” matod ni Albayalde.

Si ,Doria hepe sa CCPO, mag duha ka tuig na sa Hulyo sa katungdanan ug gihugon-hugonan nga pahulipan na sa iyang katungdanan.

Nakita ni Albayalde ang performance niini ilabi sa pagbatok sa illegal nga drugas ug ang gipatuman niining oplan Pokemon nga nahimong epektibo sa pagpatunhay sa kahusay ug kalinaw sa dakbayan sa Sugbo.

Usa sa mga opisyal sa PRO-7 mitug-an sa Superbalita Cebu nga posibling mahimong regional chief of directorial staff si Doria tungod sa pag retiro na usab ni General Franklin Moises Mabanag.

Dugang sa PNP Chief nga magpadayon ang iyang himuon nga lahugay sa tanan niyang mga ground commanders nga sa tan-aw sa mga evaluators wala kini mohimo sa iyang trabaho.

Iyang gipasabot nga dili magbase sa kadaghan sa napatay nga mga drug personalities ang iyang gitan-aw kon dili giunsa niya pagpatunhay ang kalinaw ug kahusay sa usa ka lugar ug ang kadasig niini sa kampanya sa illegal nga drugas.

Tungod niini, iyang giawhag ang mga pulis sa Central Visayas nga mohimo pag kakugi sa ilang kampanya batok sa ilegal nga drugas ug ubang matang sa kriminalidad.

Niadtong miaging buwan naukay ang Police Regional Office 7 human sa kalit nga pag-abot sa kamandoan pagpa relibo sa katungdanan ni Chief Superintendent Robert Quenery nga sud lang sa upat ka buwan isip PRO 7 director.

Apan gipasabot ni Abayalde nga angay nang ibalhin si Quenery sa Camp Crame sanglit moretiro na sa Septiyembre. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph