SUPERBALITA DAVAO

DavNor festival modalit Bimp-Eaga Expo

DAVAO. Mga opisyales, dinapit ug bisita nagpahulagway sa Davao del Norte booth atol sa Travel & Leisure Expo nga gihimo sa SMX Convention Center sa Davao City. (DavNor Tourism)

DAVAO DEL NORTE -- Ang Davao del Norte padung sa internasyunal sa pagpromotar travel ug trade sa ilang pagpahigayon og Bimp-Eaga Roadshow and Business Networking.

Libuan ka mga bisita, exhibitors, biyahedor, negusyante ug bisita ang gilauman nga modagsa sa exhibit sa Provincial Pavilion gikan Hunyo 25 ngadto Hulyo 1, 2018, atol sa Kadagayaan Festival 2018 sa pagselebrar sa 51st Araw ng Davao del Norte.

Si Provincial Tourism Officer Noel Daquioag nagsulti nga ang expo magpakita sa lokal ug internasyunal nga destinasyon, lakip na mga oportunidad sa negusyo, uban sa tinguha nga maghatag sa publiko sa maayong pagsabot sa mga programa ug umaabot nga plano sa Brunei Darussalam-Indonesia-Malaysia-Philippines East Asean Growth Area (Bimp-Eaga).

"Aside from providing a venue for the exchange of culture and destinations among the Bimp, the expo will provide a great opportunity for our local tourism industry and entrepreneurs to market their products within the country as well as to Eaga member countries,” sulti ni Daquioag.

Siya midugang nga ang kalihukan magtanyag sa posibilidad sa lokal nga gagmay nga negusyante nga makakita sa global market alang sa produkto ug serbisyo sa industriya sa halal.

Ang exhibit magpakita sa panaghisgut sa ambassadors ug consul generals, travel ug tourism presentations, live cultural performances, halal cooking demonstrations, agri-tourism ug community-based eco-tourism workshops ug daghan pang uban.

Mokabat sa gatusan ka exhibit booths sa embassies ug government agencies, travel agencies ug tour operators, hotels ug resorts, food concessionaires, tourist organizations, merchandisers, ug uban pang travel nga mga entidad ang gilauman sa tourism, halal food and business fair, nga abli gikan alas 9 sa buntag ngadto alas 6 sa gabii.

Ang 51st Araw ng Davao del Norte celebrations gisuportahan sa Tagum Agricultural Development Company, Inc. (Tadeco) ug Ulticon Builders, Inc, isip opisyal nga anniversary partners.

Ang sponsors sa makasaysayan nga kalihukan naglakip sa Hijo Resources Corporation, Davao Metro Shuttle, Kapalong Cooperative, Tagum Cooperative, Inc., ug LYR Group of Companies. Samtang, ang donors mao ang Holiday Garden Island Development Corporation ug TrueMoney Philippines.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph