MARIBOJOC, BOHOL - Naangol ang drayber ug ang angkas niini dihang nawad-an og control ang motorsiklo nga ilang gisakyan ug nadisgrasya sa gitrabaho nga karsada sa Brgy. Guiwanon, lungsod sa Maribojoc, pasado alas 5:45 sa buntag sa Miyerkules. Giila ang mga biktima nga sila si Arnel Torreon, 22, ug Gilbert Torreon, 23, pulos mga residente sa Purok 5, Brgy. Cawayan, lungsod sa Inabanga. Basi sa pakisusi sa kapolisan sa Inabanga, nasayran nga nawad-an og control si Torreon sa motorsiklo sa pag-abot nila sa gitrabahong karsada sa lungsod. (LRB)