MATI City, Davao Oriental -- Ang Baku Uno ug Kujaw Tiger Dragons (KTG) Graveh ang midomina sa nahuman Pujada Bay Invasion 1st City of Mati Dragon Boat Competition dinhi sa Baywalk.
Ang Baku Uno sa Iligan City ang miharbat sa mixed 200-meter standard titulo samtang Cortez, Surigao del Sur-based KTD Graveh ang mihari sa mixed 100m standard sa event gipresenta sa Local Government Unit (LGU) of Mati kauban ang Visit Davao Summer Festival (VDSF).
Mihuman ang Baku Uno sa lumba 200-meter sa 51.27 segundos batok KTD Kusog (51.99) ug KTD Baskog (52.57) nga nabutang sa sunod duha ka puwesto.
Gidayeg ni Mark Anthony Calimbas, manager sa Baku Uno, ang iyang tim sa ilang dedikasyon Sa training.
"It's so amazing kay gitrabaho jud namo ni ug nakuha jud namo ang gusto namo mahitabo. Our training was hard especially mu-mata sayo buntag para mag training was not easy. Happy kaayo mi kay na tanan paningkamot kay naay gwapong result," ni Calimbas.
Samtang ang KTD Graveh, mihuman og 28.97 kontra Dragon Warriors of Davao City (29.26) ug KTD Swabeh (29.67).
Ang kampeyon nga tim mibansay sulod sa duha ka semana aron preparahan ang maong lumba.
Ang kampeyon sa parehong kategorya dunay P25,000 matag usa samtang P15,000 ug P10,000 ang gihatag sa ikaduha ug ikatulong puwesto. (ABM)