SECTIONS
Sunday July 22, 2018
SUPERBALITA CEBU

Senior citizens nanawat na sa assistance

GISUGDAN sa pagpang-apod-apod kagahapon ang second quarter nga distribution sa social pension alang sa mga indigent senior citizen sa dakbayan sa Mandaue.

Wa panumbalinga sa mga senior citizen ang ka-alimuot sa covered court sa Barangay Looc samtang nagkobra sa ilang P1,500 nga social pension nga gikan sa nasudnong kagamhanan.

Sumala pa sa hepe sa City Social Welfare and Services (CSWS) Jessie Perez nga sa 27 ka mga barangays sa siyudad, adunay 1,400 ka mga beneficiary ang makadawat sa maong financial assistance nga way Social Security System (SSS) ug Government Service Insurance System (GSIS) pension nga gidawat ug nag-edad og 65 anyos pataas.

Gibahin sa nagkalaing-laing schedule ang matag barangay aron di maghugpa sa Looc gym ang beneficiaries.

Giklaro ni Perez nga ang talaan sa mga ni-qualify nga senior citizen naggikan sa rehiyonal nga buhatan sa Department of Social Welfare and Development (DSWD) samtang ang CSWS igo lang sa pag-validate ug ang pahigayon sa pagpang apod-apod.

Sa maglisod sa pagtunga sa venue tungod kay bedridden o maglisod sa paglakaw, mamahimong mopadala og authorization letter diin adunay form nga ilang i fill-up sa CSWS nga ipadala sa ilang isugo. (FVQ)


VIEW COMMENTS