T'boli miharbat og 4 bulawan sa IP Games

ANG munisipalidad sa T'boli miharbat og upat ka bulawang medalya sa bag-ohay nahuman nga 2nd Indigenous People's Games (IPG) gihimo sa Lake Sebu, South Cotabato.

Midomina ang grupo sa meyon kuda law event, alternatibo lumba kabayo apan gamit ang sagbot nga gihulma og kabayo batok Tampakan ug Lake Sebu-T'boli Tribu nga ikaduha ug ikatulo sa maong puwesto.

Ang laing bulawan nakuha gikan sa sudul event nga gidulaan nila JR Abid, Erwin Ala, Jessie Kalan, Victor Sugan ug Junsie Dala, kontra Lake Sebu-T'boli Tribe ug Tubi; sedegol be klifak bliboy batok Lake Sebu-T'boli Tribe ug Lake Sebu Ubo Tribe; ug youth hemanak (archery) nga nabingwit sa Lake Sebu-T'boli ug munisipalidad Lake Sebu.

Ang “youth defut” nga bulawan nakuha sa Lake Sebu-Ubo Tribe nga gipangulohan nila Jerry Dasan, Freddie Layo, Ronie Dasan, Richard Tang ug Rudy Dasan samtang ang T'boli maoy nakaplata ug Tupi ang naka-bronze.

Samtang ang Lake Sebu-T'boli Tribe maoy midomina kontra Lake Sebu-Ubo Tribe ug Municipality of T'boli alang sa setanggung (lechon race) ug hanaw event.

Si Philippine Sports Commission (PSC) Commissioner Charles Raymond Maxey nagpasalamat usab kang Lake Sebu Mayor Antonio Fungan sa pag-host sa ika-duhang liga sa IPG nga tumong ipreserba, promotar ang kultura sa mga tribu base sa Republic Act (RA) 8371, o IP Right Act of 1997 nga gimando sab ni President Rodrigo Duterte sa ahensiya.

Una na sab nga nagpasalamat si South Cotabato Governor Daisy Avance-Fuentes atol sa opening ceremonies sa PSC sa pagdala sa torneyo sa ilang probinsiya.

Pahayag niya, “Pinagmamalaki dapat natin ang ating roots. Hindi natin nakakalimutan anuman ang mga tribo natin”, nga dugang nag-awhag sa Provincial Board nga mopanday og ordinansa aron nga mohimo og kasaulogan sa tribu sa probinsiya nga mopakita og mga dula sa IP. (PSC-PSI)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph