SECTIONS
Monday, December 17, 2018

Hustisya pagpatay sa architect gipanawagan

GIPANAWAGAN sa mga kabanay ug kahigalaan sa gipatay nga si Architect John Riz Fortuna, tulo na ka tuig ang milabay gikan adlaw’ng Miyerkules, nga makab-ot na unta ang hustisya sa krimen, apan hangtud ning mga tungora wala pa gihapon nadakpan ang suspetsado ug ang maong pagpatay nagpabiling usa ka misteryo.

Kini ang unod sa Facebook Page sa Pray for Justice - Architect John Riz Fortuna nga mikatag sa social media Miyerkules atol sa ika-tulong tuig nga kasumaran sa pagpusil-patay sa nahisgutan, Hunyo 20, 2015, didto atubangan sa iyang panimalay sa Vinzon Street, Davao City.

“As the years go by, it doesn't get easier for the family and friends, knowing the killer is still out there. Three years sounds like a long time. On the other hand, it feels like it's been a century. We miss our friend,” tipik sa post.

Sa mga naunang impormasyon nga nakalap sa SuperBalita niadtong Hunyo 21, 2015, usa sa mga gitudlong suspek ang business partner sa biktima.

Sumala ni kanhi Davao City Police Office spokesperson Chief Inspector Milgrace Cajes Driz, kinsa mao na karon ang spokesperson sa Police Regional Office-Davao Region nga mitawag niadto ang suspek sa Sta. Ana Police Station aron motahan duha ka oras human sa panghitabo, apan wala kini mipatim-aw.

Si Driz nagbutyag niadto nga dako ang posibleng personal nga bangi ang naglimin sa anggulo sa krimen gumikan sa alegasyong P2 milyon nga salapi nga maoy nagamit sa negusyo tali biktima ug sa gitudlong suspek nga usa ka engineer nga giingong residente sa Laverna Hills sa Buhangin Davao City.

Sa ulahing kalamboan sa hitabo, gibutyag sa Sta. Ana Police Station nga duna na silay napasaka nga kasong murder didto sa korte batok sa suspek. (Jeepy P. Compio)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!