SECTIONS
Monday, December 17, 2018

Mga bakwit: Gipasagdan mi sa gobyerno

CAGAYAN DE ORO. Nagpahigayon og press conference ang mga bakwit gikan sa Sitio Kamansi, sa Lagonglong MisOr aron pagpaabot sa gobyerno nga sila gipasagdan ug miabot na sa 16 ka adlaw. (Steph V. Berganio)

EMOSYONAL ang lumad nga mga bakwit nga nagpaabot sa ilang kadismaya sa kagamhanan sa gobyerno tungod sa giingong pagpasagad kanila.

Ang mga bakwit nga Tagtabolon naggikan pa sa Sitio Kamansi, Barangay Banglay, lungsod sa Lagonglong, Misamis Oriental, kinsa naipit sa engkwentro tali sundalo ug mga New People's Army niadtong May 26.

Kagahapon sa buntag, atol sa ilang press conference nga gihimo diha sa hawanan sa kapitolyo, si Datu Reynaldo Ayuma, kinsa chairman sa lumad nga Tagtabolon, nipaabot sa iyang labihan nga kadismaya tungod kay moabot na sa 16 ka adlaw daw wala sila giatubang ni Misamis Oriental Governor Bambi Emano.

Gawas niini, iyang gipahayag nga duna silay kasabotan niadtong unang pagbakwit nga daw nagpasalig si Emano kanila nga atubangon ug tubagon ilang panginahanglan.

Gibutyag sab niini nga 16 ka adlaw na sila diri sa Kapitolyo nagpasilong apan wala nagpakita si Emano aron tubagon ilang yangongo.

Partikular nga ilang hangyo mao gyod ang pagwagtang sa detachment sa mga sundalo ug ang dili pagpundo sa dapit.

"Kanang pagbutang og detachment sa among lugar mao na ang pagyatak sa among tawhanong katungod," matud niini.

Dugang niini nga unta kon adunay dayalogo nga himoun, dili ang sundalo maoy sige ipaatubang kanila tungod kay daw gasige og pugaon ang ilang mga utok aron makumbinsi nga mamalik sila sa ilang lugar bisan og duna pay presensya sa mga sundalo.

Una na nga gipaabot ni Emano nga ang pagpahawa sa detachment dili nila mahimong mamando hilabina ubos pa sa martial law ang pulo karong panahona ug kini nga problema nasyonal nga kagamhanan ang makasulbad niini.

Gipasalig lamang ni Emano nga hatagan sila sa ilang mga nag-unang pangihanglan karon nga nagpabilin sila dinha sa kapitolyo.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!