SECTIONS
Friday, December 14, 2018

Shabu, condom nasakmit sa greyhound sa Mandaue

USA ka pakete sa gituohang shabu, condom, mga hait nga hinagiban, kwarta, TV ug mga speaker ang pipila sa mga nakuha sa greyhound operation sa Mandaue City Jail kagahapon sa buntag, duha ka adlaw human sa pagkapusil-patay sa gidudahang drug lord ug high-profile inmate nga si Steve Go.

Ang gamayng pakete sa shabu nakuha gikan sa selda ni Go.

Gawas niini, may mga drug paraphernalia, improvised icepick ug dul-an sa P3,000 nga salapi ang nakuha sa awtoridad sa selda niini.

Daghan sab ang nakuhang mga TV, component ug speakers, apan gipasabot ni CSupt. Arnold Buenacosa sa Bureau of Jail Management and Penology (BJMP) 7 nga gitugtan nila ang TV sa matag selda, apan limitahon ang paggamit niini aron di dako ang mabayran sa kuryente.

Kapin sa 200 ka mga kawani gikan sa Police Regional Office, Philippine Drug Enforcement Agency (PDEA) 7 ug BJMP ang nihimo sa operasyon mga alas 5 sa buntag.

Tungod sa drugas nga nakuha, patubagon ni Buenacosa ang mga jail officer sa pasilidad nganong adunay gihapoy drugas ug kontrabando nga nakasud sud sa city jail nga gipamunuan ni Supt. Jessie Calumpang.

Base sa pakisusi sa mga awtoridad sa city jail nga posibleng sayon ra ang pagpasulod og mga kontrabando sa pasilidad tungod sa nakapalibot niini nga mga establisemento nga di na mabantayan sa mga kawani sa city jail.

Hinungdan nga nahangyo ang Mandaue City Jail og tabang sa kapulisan alang sa police visibility sa gawas sa prisuhan.

Uyon sab sa maong lakang si PRO 7 Director Chief Superintendent Debold Sinas, kinsa maoy nangulo sa greyhound operation. (JPP)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!