SECTIONS
Sunday July 22, 2018
SUPERBALITA CEBU

Diamante mag kongresista?

WALA isira ni Tuburan Mayor Democrito Diamante ang posibilidad nga magpapili siya sa pagka-kongresista sa tersero distrito sa Sugbo.

Apan mas pabor siya nga magpapili lang una isip bise mayor sa pagtapos sa iyang termino sunod tuig aron dili mabiyaan ang iyang nasugdan nga mga programa ug proyekto.

Dunay nikatap nga impormasyon sa social media labot sa posibleng pagpapili niya pagkakongresista apan matod ni Diamante, mag-agad siya sa desisyon sa iyang partido nga mao ang PDP Laban.

Kon magpabilin siya sa lungsod ug molansar pagka-bise mayor, ituboy niya sa posisyon pagka-mayor ang iyang manghod nga maoy kasamtangang bise mayor sa lungsod nga si Danilo Diamante.

Wala masayod si Diamante kon kinsa pa ang mga personalidad nga nagtinguha pagpapili pagka-kongresista sa 3rd district sa Sugbo. (AZLG)


VIEW COMMENTS