SUPERBALITA CAGAYAN DE ORO

Mas bibo, kulbahinam nga XUHS-ABA season 9

NAPULSOHAN ni Commissioner Dhon Lazo nga mas bibo ug kulbahinam kining bag-ong edisyon sa matag tuig nga Xavier University High School Alumni Basketball Association (XUHS-ABA), diin abrihon karong adlawa didto sa XUHS Pueblo township.

Kini, tungod kay nagkahagit ang tanan teams ning ika-siyam nga season labina modepensa ang niaging champions sa ilang kadaiyang divisions.

“Everybody has the dream to maintain their titles, make their first ever and especially revenge from the nightmarish defeat last season,” ingon ni Lazo.

Ang three-time ABA champions XUHS 1995 Sprockets nagsinyas sa sayo pa lang nga depensahon nila ang ilang titulo sa St. Francis Xavier Cup division ug mopusil pa sila sa ilang ika-upat.

Makit-an nga sige na pakondisyon ang ilang 6-foot-4 center-forward nga si Paul “Shantao” Moreno sa sports center, samtang ilang guard ug ang MVP niaging season nga si Jan-Jan Geroy naa gihapon sa lagsik nga kondisyon.

“Pero dili kami makasiguro kay I know underdogs will go after us, but rest assured we are lock and loaded in the new season,” ingon ni Sprockets assistant team manager Fred “Buboy” Dael.

Gusto manimalos ang runner-up last year nga ang XUHS 1994 apan nawagtangan sila og saligando nga point guard nga si Julius Pagute, kinsa gitaho nga nilarga ngadto sa Stados Unidos bagohay lang.

Nabilin nga sila Paul Valencia ug Rocky Calingin isip mapiling guards sa 94ers.

Naghinamhinam sab ang XUHS 2001 nga matala ang ikaduhang sunodsunod nga St. Peter Faber Cup title human maangkon niini ang unang titulo niaging season.

Kini, human giblangkohan sa 001ers ang Gamba 97 sa ilang best-of-three final series niagi.

Dili sab malimtan sa Jammers 05 ang ilang eskapong daug kontra sa Wolves 07 sa kataposang game 3 atol sa best-of-three St. Ignatius de Loyola Cup final.

Parehas ang duha nga mao ang inilog sa Loyola Cup division, apan magbalantayon og maayo ang Jammers kontra sa Wolves.

Siguradong mobalos og maayo ang Wolves gikan sa ilang bangungot nga kapildehan niagi.

“Samot na nga bibo ang season kay we are now in sports coverage,” si Lazo nagkanayon.

Paga-abrihon ang bag-ong season karon agi sa usa ka programa ug sa us aka one-day 3-on-3 league didto sa XUHS Pueblo.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph