SUPERBALITA CAGAYAN DE ORO

Canino usa ka daug nalang

DAVAO CITY -- Solong naangkon na ni Ruelle “Tawing” Canino ang liderato human sa pito ka rounds atol sa 19th Asean Age Group Chess Championships 10-under girls individual classical standards event niadtong Biyernes sa gabie didto sa The Royal Mandaya Hotel.

Niposti na ang 10-anyos nga Canino og 6.5 points gikan sa unom ka daug ug usa ka tabla ug niinat na og usa ka punto nga labaw pag-angkon sa liderato.

Kini, human gipilde niya ang seed no.1 nga si Vietnamese Nguyen Ngoc Hien sa ika-pitong round.

Unang naangkon ni Canino, usa ka grade five student sa Kauswagan Central School, ang solong labaw agi pagpilde sa iyang RP Age Group teammate Mecel Angela Gadut sa ika-unom nga round diin nilamang ang Kagay-anon og tunga sa punto.

Nagkaduol na si Canino paglangkat sa iyang ikatulong gold medal sa individual classical standard sa iyang kasaysayan sa ASEAN Age Group.

Mahayag na ang tanan kung modaug siya og usa o motala og duha ka tabla sa nahibiling duha ka rounds nabilin sugod kang Kaye Lalaine Regidor sa ika-walong round karong adlawa.

Solong nagsunod si Gadut sa ikaduhanga pwesto nga anaay 5.5 puntos, tulo sila nga nagsalo sa ikatulong pwesto nga adunay lima ka puntos matag usa nga sila Regidor, Daren dela Cruz ug Nguyen Ngoc Hien.

Sa pikas bahin, naa pa sa kontensyon ang magulang nga Canino nga si Ronald human giparot niya si Gal Brien Palasigue sa ika-pito nga round sa ilang 16-under boys nga panagsangka.

Naa na sa solong third place si Canino nga adunay lima ka puntos ug pwede pa molangkat og gold medal kung malaras niya ang nabiling duha ka rounds.

Nagsalo ang duha ka Fidemasters nga sila Alekhine Nouri sa RP Team ug Pham Phu Vinh sa Vietnam nga adunay 5.5 puntos kada usa.

Sila Ronald ug Pham magsangka sa penultimate eighth round.

Wala na sa kontensyon sila David Rey Ancheta, Mary Joy Tan ug Lorebina Carrasco II human mataboan na sab sila og pilde sa ilang kadaiyang kategoriya.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph