Nadela: Mga boto sa mga Bisaya

NINDOT ang pasiunang pangutana nga giandam sa mga organizer atol sa forum alang sa mga magpapili pagka presidente niadtong Biyernes. Nganong ikaw ang pilion sa mga Sugboanon pagka presidente sa nssod karong Mayo 10?

Ang kasagaran nga tubag naghisgut sa ilang katakus paghupot sa maong katungdanan. Kutob sa mahimo ang mga magpapili molabtik og gamay’ng binisaya sa pamasin nga maka kuha sila og simpatiya og suporta gikan sa mga naminaw.

Akong nakita nga ang nahitabo sa miaging Biyernes sinugdanan pa lang sa daghang diskusyon labot sa mga isyu nga naglambigit natong mga Bisaya. Di ikaglimod nga daghan kanato mobati og kahiubos o ka way gana, sa higayon nga moabot ang presidential election. Kini tungod kay kasagaran sa mga magpapili dili taga ato og dili Bisaya. Di sab mawala sa atong hunahuna nga kanunay kitang mauwahi kong kalamboan na ang hisgutan.

Pananglit kining isyu sa LRT subra na sa traynta ka tuig ang nakalabay nga kini natukod sa kaulohan, apan dinhi sa ato mao pay paghisgut nga makabaton ta og atong kaugalingong LRT.

Kanang mga tag-as nga flyover maihap ra ang nia sa ato, pero didto sa Metro Manila pastilan ila ra nang giuran-uran.

Bisan asang suok naa kanang mga flyover. Mao ni angay nga masayran sa mga nagpapili pagka presidente, uhaw kaayo kaming mga Bisaya sa tinud-anay nga serbisyo, inprastraktura ug daghan pa.

Manghinaot kami nga inyong tinud-on og palapdan pa ang inyong mga plataporma alang sa taga Visayas og Mindanao, di kay unya og lingkod ninyo sa Malakanyang, mokalit lang og kausab ang mapa sa Pilipinas, Mtero Manila og Luzon na lay nahabili, nawala ang Visayas og Mindanao.

PANGLAWAS

Nalipay ko pagsalig nga gihatag sa taga Bantay Bata 163- Cebu kanamong mga sakop sa Nadela Clan. Gihimo mi nila nga partner sa usa ka libre nga medical, dental, tambal og blood letting karong Sabado, Enero 30 adto sa Liburon, Carcar City.

Ang kalihukan magsugod alas 8 sa buntag hangtod alas 3 sa hapon sa race track duol sa ilang Agaw Mercy og Agaw Rudy Nadela.

Giabagan sab ta sa Sagip Kapamilya, Regional Blood Coordinating Council og sa mga opisyales sa barangay Liburon nga gipangulohan ni kapitan Alberto Lawas. Atong gidapit ang atong mga kaigsoonan sa mga silingang barangay pagpahimulos ning maong mga serbisyo.

Salamat kaayo Ma’am Melissa ug Lotis sa BANTAY BATA 163.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph