SI Villar ang tunay na pahirap. Si Villar ang tunay na pasakit.

Si Villar ang may kakayahan na dungisan ang ating pangalan. Si Manny Villar ang maghahakot ng ating kayamanan.’

Sukad niulbo ang kontrobersiya sa C-5, dili usa ka maisog nga Villar ang atong nakita kon dili usa ka talawan nga pulitiko nga nagtago sa sidsid sa iyang mga tigpamaba ug kaalyado. Wa siya nibutho sa imbestigasyon nga gipahigayon sa senado mismo, ang institusyon diin siya miyembro ug nahimong presidente. Mao unta kadto ang iyang higayon diin iyang matubag ang matag punto nga gilabay ngadto niya.

Click here for stories and updates on the Sinulog 2010 Festival.

Tungod sa iyang obsession (kahulugan: mapugsanon nga mitna o pagbati nga makabuyo sa gawi o batasan. Tinubdan: Akademiyang Bisaya, English-Visayan Cebuano Dictionary, 2009) nga mahimong presidente sa Pilipinas, nawad-an siya ug pagtahod sa usa ka mahinungdanon nga institusyon.

Ang iyang drama nga gilutos siya sa iyang mga kaatbang sa pulitika karaan na nga tugtog. Kung ato kana tugtan nga pangatarungan way senador nga maimbestigahan.

Ug sa dili pa diay ko malimot, usa sa mga nagbuwabuwa ang baba ug nangugat kaniadto nga imbestigahan gayud si Villar mao si Loren Legarda. Asa na siya karon?

Sa usa ka report nga giaandam ni Sen. Juan Ponce Enrile isip chairman sa Committee of the Whole, girekomenda nga i-censure si Villar ug mandoan nga bayran ang P 6. 22 billion nga nagasto alang sa nahisgutang proyekto.

Matud sa maong report, gigamit ni Villar – usa ka real estate developer – ang iyang posisyon isip presidente sa senado aron ma-realign ang C-5 road project sa tumong usab nga malakip ang iyang real estate properties ug modako ang bili niini.

Ang kinauwahiang maniobra ni Villar mao ang pagtago luyo sa sidsid sa iyang mga kaalyado. Tataw nga gisabotahe nila ang session niaging semana aron dili makab-ot ang quorum ug way mahimong pagahisgutan ang senado. Nisamot ang pagduda sa katawhan nga gitabunan ang kamatuoran. Kung ingon niini ang istilo ni Villar, makalilisang pagahunahunaon nga ato siya tugtan nga mohupot sa kinatas-ang posisyon. Unsa na lang unya ang iyang kalainan sa umaabot nga kongresista nga si Gloria Macapagal-Arroyo?

Kinahanglan personal nga atubangon ni Villar ang maong isyu. Didto mismo sa senado. 

Dunay kinutuban ang mga press releases o mga negosasyon ug pag-gamit  sa mga tigpamaba o kaalyado. Dili ba Bongbong Marcos, Liza Masa ug Satur Ocampo?

Be man enough, Mr. Senator!

(birada_ruphil@yahoo.com)