GIPASIGARBO ni Regional Director Tarhata S. Mapandi sa Technical Education and Skills Development Authority (Tesda) nga sigurado nga makatrabaho ang mga ni-gradwar pinaagi sa ilang mga programa.
Atol sa gipahigayong press conference niadtong June 20, 2018 sa mismong buhatan sa regional office sa Tesda diha sa Macasandig ning siyudad gibutyag ni Mapandi nga dili lisod ug dili kwestiyon nga maka trabaho ang mga ni-gradwar sa mga programa sa ilang buhatan base na usab sa ginahimong survey nga gitawag nga Impact Evaluation Study (IES) matag tuig.
“For the region we have 85 percent for last year, so the employability aspects is no question, the question would be how we could provide them assistance towards in linking them towards our Industries and employers and most of our graduates mean time actually goes or applying sa abroad ,karamihan” ang tipik sa pahayag niini.
Gipasigarbo usab niini nga ang Tesda, ang solo parent, OFW, Senior citizen ug lakip na sa mga Indigenous Peoples (IPs), Internal Displace Person (IDPs) ug lakip na usab sa mga kanhi sakop sa walhong pundok.
“What is the best part of strategy of Tesda right now is yung sa social equity but yun kailangan pa rin nating trabaho-in yung global competitiveness at yung pangatlo yung Technical and Vocational Education and Training (TVET) para naman sa job readiness,” pahayag niini.
Giklaro usab niini nga nagkinahanglan pa kini og dugang nga mga partner aron nga mahatagan gyud dayon kini og mga trabaho apan gipaniguro niini nga unahon ang maong mga nigradwar gikan sa Tesda.
“We have the numbers, we have warm bodies nandiyan lang po sila nga ika nga sa produkto uunahin po natin sila para mabigyan ho natin po sila nang employment and we are working on this with DOLE and PCCI here in Northern Mindanao, so we need more partners of course, ika nga hindi ho yun natin kakayanin, kakailanganin po natin ang tulong nang ating mga ibat-ibang sector para po matulongan po natin an gating mga graduates,” dugang niini.
Karong mga panahona padayon nga nag-aghat ang tinugyanan sa Tesda sa pagbisita sa ilang buhatan aron nga masayran ang mga programa sa gobyerno alang sa katawhan ilabi na usab sa nagsing-abot nga National Assessment Day nga libre karong June 26-27, 2018.