SECTIONS
Sunday July 22, 2018
SUPERBALITA CAGAYAN DE ORO

Pipila sa demanda sa mga bakwit dili mahatag sa kapitolyo

TALIWALA sa pagpaningkamot sa kagamhanan sa probinsya sa Misamis Oriental nga ihatag tanan nga yangongo sa mga naipit sa giyera sa Sitio Kamansi, Barangay Banglay, lungsod sa Lagonglong Misamis Oriental.

Gipasabot og maayo ni Provincial Risk Reduction Management Department (PDRRMD) Head Fernando Dy nga hangyo sa mga bakwit nga mohimo og inisyatiba ang kapitolyo aron mapapahawa ang mga sundalo sa ilang lugar ug dili na magpundo aron sab makabalik na sila sa ilang naandan nga lugar.

Gikadismaya sab sa pipila ka mga bakwit tungod kay daw sukad sa ilang paghidangat sa kapitolyo wala nagpakita ug miatubang kanila si Misamis Oriental Governor Yevgeny Vincente Emano.

“Wala sa kamot sa atong Gobernador nga mopapahawa kanila labina kay Martial Law karon ug kalihokan kini sa military. Kung pagsuplay hinoun sa ilang pagkaon, mainom nga tubig, tambal ug makatulgan ug uban nag unang panginahanglan amo kanang mahatag kanila,” pasabot ni Dy.

Gibutyag sab niini nga bisan sila mismo dili na makaperform sa ilang tagsa tagsa ka trabaho aron mahatagan og atensyon ang 36 ka pamilya nga temporaryong nagpasilong karon sa kapitolyo.


VIEW COMMENTS