SECTIONS
Friday, December 14, 2018

Mga internet cafe gimonitor

HUGOT ang pagmonitor sa kapolisan sa mga internet cafe nga duol sa mga tunghaan ilabina karong pagbukas balik sa klase.

Sa pakighinabi sa Sun.Star Superbalita ngadto kang Senior Police Officer 3 Josephine Dais, sa Women and Children Protection Desk (WCPD) sa Police Station 9 (PS9) sa Macasandig nga niadtong summer class pa lang hugot na ang ilang pagmonitor sa mga kabataan ilabina sa mga mogamit ug mosulod og mga internet cafe ug padayon nila kining gihimo uban sa mga Kagawad sa Barangay lakip na sa mga principal sa tunghaan sa maong dapit.

“Nag create sila og usa ka team nga to monitor sa duol bitaw nga mga internet café duol sa schools so during ana nga time nag conduct mi together sa ilaha, so naa mi mga nakita didto nga mga estudyante so among gi-record ang ilang mga names para pud ma inform pud ang ilang parents regarding ingon ana nga ang uban nag cutting class” pahayag ni SPO3 Dais.

Gidugang pa nga hugot gyud nilang gitambagan ug gipahimangnoan ang mga tag-iya og mga internet cafe nga ipang block ang mga porn sites aron nga dili maka sulod ang mga kabataan sa maong sites ug malikay sila nga mabiktima sa cyber pornography.

“Ang among gi-advice gyud sa ilaha nga bawal gyud na siya, so e-block gyud ninyo ang mga porn sites para dili maka penetrate ang mga bata, dili sila maka access” dugang niini.

Gipahimangno-an usab ang mga operator sa mga internet cafe nga tumanon ang maong balaud lakip na usab ang City Ordinance sa pagdili sa mga menor de edad o mga estudyante sa pagpasulod sa internet cafe panahon sa tingklase.

Sa pagsulat ning balita, padayon ang kapolisan sa paghatag og mga information drive kalabot na sa Cyber POrnography sa mga kabataan aron nga malikay nga mabiktima niini lakip na usab sa paglambigit sa illegal nga mga kalihokan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!