Bulawan sa chess

ANG mga Dabawenyo nga sila National Master (NM) Alexander Lupian, Ella Grace Moulic ug International Master (IM) Marvin Miciano nakasungkit og bulawang medalya sa team standing standard event sa nagapadayong 19th Asean+ Age Group Chess Championships didto sa The Royal Mandaya Hotel.

Nakatigom si Lupian og 6.5 puntos sa nine-round Swiss System format chessfest aron modomina sa seniors 50 ug seniors 60 division batok Vietnamese Thai Hung Tong ug compatriot Fide Master (FM) Adrian Pacis kinsa parehong 6.0 puntos alang sa ikaduha ug ikatulo sa maong han-ay.

Ang Dabawenyong NM nanguna sab sa tim Pilipinas aron makabulawan sa senior's 50 team standing.

Kauban sila Pacis ug Edmundo Gatus nakatapok og kinatibuk-ang iskor 18.5 kontra Vietnamese dunay 16.5 puntos.

Bahin ni Moulic, nakaplata siya sa girls 20 years old division silver medal uban si 6.5 pointer Women Fide Master (WFM) Dita Karenza sa Indonesia samtang si WFM Shania Mae Mendoza ang nanguna sa dibisyon nga dunay kinatibuk-an 7.5 puntos human siyam ka rounds.

Apan midaug si Moulic sa girls 20 team standing uban sila Mendoza ug Kylen Joy Mordido nga dunay 20 puntos batok Vietnam mihimo og 15.

"Sobrang feeling blessed, happy and proud po kasi taga Davao City po ako at talagang gusto ng mga kababayan ko na manalo ako ng medal," ni Moulic, kinsa nakakuha og WFM title ug Women International Master (WIM) norm.

"Malaking tulong po especially yung coach ko na always naga prepare ng mga tira ko and possible counters ko. Ine-explain nya din yung mga moves ng kalaban na hindi ko maintindihan pati na rin yung mga openings," ni Moulic.

Luyo sa kadaugan, napakyas si Miciano nga makuha ang Grand Master norm dihang nailog nila kauban Pinoy IM Paulo Bersamina, Azarya Jodi Setyaki ug Agni Jeevitesh J Sai, kinsang tulo nanguna sa open under 20 division.

Si Miciano duna lang 5.5 puntos human ang siyam ka rounds nga misunod siya ila Bersamina's 7.5, Setyaki's 6.5 ug Sai's 6.0.

Apan sila Miciano, Bersamina ug Stephen Rome Pangilinan dunay kombinasyon 18.5 puntos aron mohari ang Pinas sa open under 20 team standing batok Vietnam nga dunay 12 puntos.

Sa pagkakaron, ang Rapid ug Blitz events ang ginadula sa parehong venue.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph