SUPERBALITA CAGAYAN DE ORO

Naka-apas sa gold!

DAVAO CITY – Wala damha sa tanan nga makaapas si Ronald Canino sa kataposang tulo ka rounds aron kaw-iton ang gold atol sa 19th ASEAN Age Group Chess Championships 16-under open individual classical standard event niadtong Domingo didto sa The Royal Mandaya Hotel dinhi.

Tam-is ang gibati sa 15-anyos nga si Canino kay mao pa kini ang unang medalya niya sa individual category sulod sa unom ka higayon niyang nahimong RP-ASEAN Age Group Chess Team.

Nakakuha og igong buylo si Canino, usa ka grade 10 student sa Misamis Oriental General Comprehensive High School (MOGCHS), sa ika-pito nga round agi pagpilde sa iyang RP teammate nga si Gal Brien Palasigue aron solong naa sa third.

Sa maong punto nagsunod lang siya sa duha ka Fide Masters nga nag-una nga sila Alekhine Nouri ug Pham Phu Vinh sa Vietnam agi sa tunga sa punto nga biya.

Apan nausab ang tanan human gipilde niya si Pham sa penultimate 8th round.

Tablahonon ang ilang panagsangka apan nabuhi ang iyang dugo human mitira ang Vietnamese og pildehonon nga knight sacrifice nga maoy nakapadaug kang Canino.

Si Canino pa ang niangkon sa solong liderato agi sa tunga sa punto nga labaw human mapilde si Nouri kang Christian Marcelo Olaybal sa susamang round.

Nasilyo ni Canino ang gold agi pagbira og draw kang Japeth Aaron Carsosa sa ika-siyam ug kataposang round.

Tulo sila nagsalo sa unang pwesto uban sa duha ka Vietnamese nga sila Pham ug Bui Duc Hui paghuman sa individual classical standard event.

Apan, nilutaw nga si Canino ang pinaka taas og tie-break aron angkunon ang first place.

Gianunsyo sa opening program nga adunay titles nga i-award sa mga nikampyon sa 12U paingon sa 20-under categories.

Mahibal-an sa social night kung matagaan og Fide Master title si Canino.

Sa pikas bahin, wala masustinar sa iyang manghod nga babae nga si Ruelle ang usa ka punto nga labaw human masagunsunan og pilde sa kataposang duha ka rounds sa 10-under girls individual classical standard.

Maayo iyang pagsugod sulod sa unang pito ka rounds nga adunay unom ka daug ug usa ka draw sa wala pa siya napilde kang Kaye Lalaine Regidor ug Nguyen Ngoc Hien sa round eight ug nine, sunodsunod.

Nihuman lang og two-time individual classical standard gold medalist si Canino og silver medal.

Pwede pa molangkat ang tanan Cagayan de Oro Chess Team og mga medalya pagsugod sa rapid event karong adlawa ug blitz event ugma.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph